تعذيب البنت للشباب

بسم الله الرحمن الرحيم ...


عبايتي اهلكتني

تقول راوية القـصه :
‏في يوم من الأيام قابلت زميلتي (ف . ي) وهي ترتدي عباءة سوداء من القماش الثقيل وفضفاضه


تفاجئت في الوهلة الأولى لأني لم اعهد زميلتي من قبل بهذا الأحترام..


فقد كانت تلبس العباءة المخصرة المطرزه التي توحي للناظر بأنها فستان..



وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه


بعد حديث مطول بيني وبينها سألتني: مبين عليج انج مستغربة من عباتي لأن مو بالعاده اللبس كذا !!


اجبتها : بصراحه ايه بس ماحبيت اسألج


ابتسمت في وجهي قائله: الحمدلله الي هداني الى طريق الصح


والله يوفق ويصلح اللي كان السبب


- أي سبب؟؟؟؟


سمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم
واني اتمشى بالمجمع لاحظت ان شاب قاعد يراقبني بنظراته ...وبعدين


- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني


- ايه وبعدين


وشلي صاااااار!!!!!


بعد ماوصلنا مكان شبه معزول بس كان فيه ناس وقفني وقال لي:


حرام عليش اللي تسويه فيني .تبغيني ارتكب الحرام غصب


اني انصدمت من كلامه وقلت له: شنو تقصد؟؟


قال: انتي مو شايفه شكلج مو شايفه عبايتج مو شايفه مشيتج... والله حرام عليكم تلفتون انتباهنا وتخلونا نرتكب الحرام


بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري


وبعدها رجعت البيت واني افكر في كلامه ... طول عمري اتزين واتمكيج .. بس كنت اتوقع اني بحمل سيئات نفسي مو سيئات كل شخص الفت انتباهه..


يعني اذا لفت انتباه 100 شاب بكره يوم القيامه ربي بحاسبني عليهم اكثر مما بحاسبني على نفسي


وقعدت ابكي وابكي وابكي واستغفر ربي على جهلي وقررت اني اللتزم بعباية محترمه واغطي وجهي عسى الله ان يغفر لي ذنوبي