كيك رخيص وبنين بالسميده الرقيقه

السلام عليكم كيدايرن احلى انيقات
نتمنى تكونو كاملات بخير وعلى خير
جبت ليكم ليوم واحد الكيك قديم عندنا فالدار من زمان و احنا كنديروه
رخيص و بنين وماكايحتاجش بزاف ديال المقادير غادي نحتاجو

[ندعوك للتسجيل في المنتدى أو التعريف بنفسك لمعاينة هذه الصورة]

500 جرام سميده رقيقه
كاس عنبه ديال الزيت
2/1 لتر حليب
2 خمارات
2 كيسان ديال العنبه سنيده
للتزيين نحتاجو كونفتير و لوز مهرمش

نخلطو جميع المقادير و ناخدو المقله التقيله نلبسوها باش ماتلصقش لينا الكيك
او ممكن تديروها فمول مرشوش مزيان غير حنا متعودين كانديروها فالمقله التقيله ماما كاتقول انها حسن لهاد الكيك بالذات
المهم نلبسو المقله بحال هكدا

[ندعوك للتسجيل في المنتدى أو التعريف بنفسك لمعاينة هذه الصورة]

ونعملو فيها الكيك ديالنا
[ندعوك للتسجيل في المنتدى أو التعريف بنفسك لمعاينة هذه الصورة]
وندخلوها للفران حتى تطيب المهم كل وحده وفرانها مانقدرش نقول ليكم المده بالضبط
عينك ميزانك و صافي
هاهي ملي طابت
[ندعوك للتسجيل في المنتدى أو التعريف بنفسك لمعاينة هذه الصورة]

هدا لتحت ديالها
[ندعوك للتسجيل في المنتدى أو التعريف بنفسك لمعاينة هذه الصورة]

هنا بعد مادهنتها بالكونفتير و رشيت عليه اللوز مهرمش
طبعا التزيين اختياري وكل وحده باش بغات تزين
[ندعوك للتسجيل في المنتدى أو التعريف بنفسك لمعاينة هذه الصورة]

وهاهي من الداخل
هاد الطريف باش تدوقوها كيجاتكم هههههه
نتمنى تجربوها و تعجبكم
[ندعوك للتسجيل في المنتدى أو التعريف بنفسك لمعاينة هذه الصورة]

في امان الله