شوفو هاد الشكيلات و بالصور

اولا الماصابان ديال اسفي
[ندعوك للتسجيل في المنتدى أو التعريف بنفسك لمعاينة هذه الصورة]

المقادير
الحشوة.. كيلو لوز مسلوق و مقشر و منشف مزيان و مطحون+4 كؤوس سنيدة+ 4 برتقالات محكوكين+ صفار البيض اللي غادي يجمع اللوز
هادو مقاديري الخاصة اللي كندير شخصيا...
العجين..نصف كيلو دقيق+ كاس زبدة +2 صفار البيض+الزهر باش نجمعوها و القليل من الملح.

الطريقة ناخد العجين نبسطه جيدا و نستعمل قاطعا دائريا كبير يعني المرشم و نضع فيه كرة من الحشوة و من بعد نبداو نقرصوها من الجوانب باستعمال الملعقة نتمنى تكونو فهمتو
من بعد من نكملوه نخليوه يبات في اللاطة و يكون مصفوف مليح باش ميتحلش في الطياب
من بعد كنديرو فيه العقيق مباشرة كندخلوه للفران و بالصحة و الراحة.

تانيا الرخامة
[ندعوك للتسجيل في المنتدى أو التعريف بنفسك لمعاينة هذه الصورة]
المقادير...
كيلو كاوكاو مقلي مهرمش
شوية القرفة
شوية الزهر العسل باش نجمعوها
نصف كيلو شكلاط اسود
و للتزيين الشكلاط الابيض

الطريقة نبسط الحشوة فوق بلاستيك من بعد نديب نصف كمية الشكلاط و نسكبها فوق الحشوة نتركها تبرد من تجمد نقلبوها و نكبو عليها النصف التاني من الشكلاط و نزينها يالشكلاط الابيض متل "ميل فوي" نتركها تبرد عاد نقطعوها.

تالتاالياسمينة
[ندعوك للتسجيل في المنتدى أو التعريف بنفسك لمعاينة هذه الصورة]
نفس مقادير حلوة العين

رابعا الشريحة
[ندعوك للتسجيل في المنتدى أو التعريف بنفسك لمعاينة هذه الصورة]
مقادير العجينة..
نصف كيلو دقيق+كاس زبدة+الزهر باش تجمعي العجينة
الحشوة..كيلو تمر+القليل من الزنجلان+شوية الزهر باش تجمعيه

الطريقة نجمع مقادير الحشوة مع بعضها و نصنع منها كويرات من بعد نورقو العجينة و نقطعوها دوائر بالمرشم و نضع وسطها الحشوة من بعد نطبعوها بالمطبع الخاص بها

التزيين من كنخرجوها من الفران ممكن تستعملي العسل او الناباج و في الوسط ديري القليل من الزنجلان.

خامسا العوينة
[ندعوك للتسجيل في المنتدى أو التعريف بنفسك لمعاينة هذه الصورة]

مقادير عجينة
250غ طحين
ملعقة زبدة
القليل من الملح
القليل من المسكة الحرة و يمكن تعويضها بالفاني لمن يحب نكهة الفاني
و ماء الزهر لجمع العجين

مقادير حشوة حلوة العين
250غ من اللوز مصلوق و مطحون (مثل اللوز الذي نستعمله في كعب الغزال)
150غ سكر الصقيل
لتزيين حلوة العين: نحتاج للوز

طريقة تحضير حلوة العين
العجين: نخلط جميع مقادير العجينة للحصول على عجينة لينة
الحشوة: نخلط جميع مقادير الحشوة و نشكلها على شكل أصابع
نبسط العجين و نضع فوقها اللوز مثل كعب الغزال و تقطع
نأخد العجين و نلصق أطرافها مع بعض بحيث تكون الجهة المبسطة في الأسفل و الجهة المقطعة بالجرارة تكون بالأعلى و نضع فوقها لوزة كما في الصورة
ثم ننقشها بالمنقاش كما في الصورة
ندخلها للفرن و بعدما نخرجها تدهن بالناباج

لمشاهدة طريقة التحضير بالفيديو اضغطي هنااا

سادسا حلوى التاج بالكوك
[ندعوك للتسجيل في المنتدى أو التعريف بنفسك لمعاينة هذه الصورة]
المقادير
كيلو كوك+ 4 كؤوس سنيدة+ صفار البيض اللي ممكن يجمع الكوك+ اربع حامضات محكوكين
للتزيين الكريمة و الناباج
نجمع المقادير و نبسطوها و نقطعوها بالمرشم على اي شكل تحبين من بعد نزوقوها بالكريمة اللي معدلاها ببياض البيض مع السكر كلاصي مخفوق مزيان حتى يجي قاصح
من تخرج من الفران نتركه تبرد و نزينوها بالناباج ملون.

سابعا المفلحة
[ندعوك للتسجيل في المنتدى أو التعريف بنفسك لمعاينة هذه الصورة]

المقادير
العجين..نصف كيلو دقيق+نصف رابعة زبدة+شوية الملح+نصف كاس ماء الزهر
الحشوة كيلو كاوكاو محمر مزيان و مطحون +رابعة ديال السنيدة نطحنوه معاها مزيان+ شوية المسكة +ملعقة قرفة

الطريقة نبسط العجين و نديرو وسطو الحشوة على شكل طولي معرفتش نقولها بالعربية "بودان""
و نلفو عليه العجين
و نقطعوها متل السيجار و نفلحوها بسكين تكون ماضية
ندخلوها للفران ومن نخرجوها نديرو ليها العسل و بالصحة و الراحة

تامنا الوريدة
[ندعوك للتسجيل في المنتدى أو التعريف بنفسك لمعاينة هذه الصورة]
مقاديرها كنت درجتها ليكم بوحدها في موضوع خاص
و مزال الحلويات

[ندعوك للتسجيل في المنتدى أو التعريف بنفسك لمعاينة هذه الصورة]

نتمنى نكون وصلت ليكم و انشاء الله نزيدكم الحليوات

» شوفو ايش توصل له اليابنين من آجهزه الحآسوب......
» طريقة عمل كيك بالصور
» طرائف بالصور
» طرق ربط الاحدية بالصور
» سمك الشطون في الفرن بالصور