كيكة الكوكوط غزالة و فنة (بالتفصيل الممل) + الصور

السلام عليكم
غادين تقولوا ليا صدعتينا بكيكة الككوط غادي نقول ليكم جربوها بطريقتي و غادي توليوا مدمنين عليها بحالي.فايت لي حطيتها ويني ماشي بالتفاصيل و بزاف د الاخوات طلبوا ليا المقادير و الطريقة و الكاس د العبار.
تلبية لرغباتهن. ها طريقتي و مقاديري كتجي غزالة وفنة و رطبة بحال الجينواز وفازكة بوحدها بلاما تسقيوها و لي كلاها عندكم غادي يحماق عليهاو ميمشي حتى يطلب المقادير ديالها.
واقيلا كترت من الاشهار ياك ههههه

المقادير
4 البيضات
ك ونص سنيدة
ك صغير زيت
ك كبير و ربع ما طايب مخلط بنسكافي
3 م ك كاكاو
2 م ك خل (نسيت ما صورتو)
3 ك طحين
3 الخمارات

الكيسان باش كنعبر (فالصورة) كبار شوي حنت كندير الكيك فالككوط الكبيرة (6 او 8 لتر) هداك لي فيه سنيدة قد قياس العنبة.
[ندعوك للتسجيل في المنتدى أو التعريف بنفسك لمعاينة هذه الصورة]

الطريقة
كندير سنيدة و البيض و الخل و الزيت فمولنكس
[ندعوك للتسجيل في المنتدى أو التعريف بنفسك لمعاينة هذه الصورة]
كنخويهم فشي اناء و نزيد عليهم الطحين مغربل و الكاكاو و الخمارات
[ندعوك للتسجيل في المنتدى أو التعريف بنفسك لمعاينة هذه الصورة]
نخلط مزياااان
[ندعوك للتسجيل في المنتدى أو التعريف بنفسك لمعاينة هذه الصورة]
عاد نزيد الما طايب هو الاخير
[ندعوك للتسجيل في المنتدى أو التعريف بنفسك لمعاينة هذه الصورة]
ونعملها فالككوط مدهونة طبعا بالزبدة و مغبرة بالطحين
نصيحة
ديما طلعو الدهين ديال الزبدة مزيان حنت الكيك كيبدا طالع تابع الزبدة
[ندعوك للتسجيل في المنتدى أو التعريف بنفسك لمعاينة هذه الصورة]
نسدو عليها بلا صفارة على اصغر كانون و على عافية مهييييييييلة و متنساوش الحديدة تحت من الككوط (ضروري)و نخليوها 40 حتال 45د (نقلبو بالموس واش طابت)

هاهي طابت
[ندعوك للتسجيل في المنتدى أو التعريف بنفسك لمعاينة هذه الصورة]
نحطوها فوق الشبكة تبرد (ما عنديش كنعدي غير بالغربال ههه)
[ندعوك للتسجيل في المنتدى أو التعريف بنفسك لمعاينة هذه الصورة]
نقسموها على 3
كناكد حتى تبرد عاد نقسموها باش ما تفرتتش حنت رطبة بزاف
[ندعوك للتسجيل في المنتدى أو التعريف بنفسك لمعاينة هذه الصورة]
كنوجد 2 بلاستيكات وحدة فيها الشكلاط كحل و دانون والتانية فيها الشكلاط بيض وغير شوي
الحليب باش يجي fondu )ايلا درناه بوحدا كيجي قاصح و كيتهرس ملي نبغيو نقطعو الحلوة)
كنديروهم فمقراج ديال الما طايب حتى يدوبوا على ما مونطينا الكيك
[ندعوك للتسجيل في المنتدى أو التعريف بنفسك لمعاينة هذه الصورة]
كنعمروها بالكريم باتسيير
[ندعوك للتسجيل في المنتدى أو التعريف بنفسك لمعاينة هذه الصورة]
كنفرشو تحت منها بلاستيكة ونخويو عليها ganach لي وجد وداب
[ندعوك للتسجيل في المنتدى أو التعريف بنفسك لمعاينة هذه الصورة]
وكنزوقوها بالشكلاط بيض مع الحليب او لي حبيتو انا يلا كانواجايين الضياف كندير الكركاع او اللوز فالجناب فالجناب
[ندعوك للتسجيل في المنتدى أو التعريف بنفسك لمعاينة هذه الصورة]
كنخليوها شوي حتى يجمد الشكلاط عاد نزلوها فالطبسيل
هاهي
[ندعوك للتسجيل في المنتدى أو التعريف بنفسك لمعاينة هذه الصورة]
من الفوق
[ندعوك للتسجيل في المنتدى أو التعريف بنفسك لمعاينة هذه الصورة]
من الاحسن نوجدوها فالليل كتصبح غزالة
ها ككتجي من الداخل
[ندعوك للتسجيل في المنتدى أو التعريف بنفسك لمعاينة هذه الصورة]

ها حقكم
[ندعوك للتسجيل في المنتدى أو التعريف بنفسك لمعاينة هذه الصورة]

نتمنى تعجبكم
لي ما فهماتش شي حاجة انا رهن الاشارة
في امان الله

ما شاء الله اختي هنادي موضوع رائع و مشروح بالتفصيل و فيه البديل*غربال*
شكرا للشرح بالصور حبدا لو كانت الصور مكتوب عليها اسم المنتدى
حياكم الله

[ندعوك للتسجيل في المنتدى أو التعريف بنفسك لمعاينة هذه الصورة]

» كيكة البرتقال الهشة الجميلة من مطبخي و بالصور التفصيلية
» كيكة شكلها ومذاقها مميز وسهلة جدا عند حضور ضيف فجأة
» كيكة بالشكلاط ... سهلة ولديدة
» كيكة بكاوبيل تدوب في الفم
» كيكة الشكلاط هشيشة و لذيذة و بالصووووووور